الشغل ما يخلص ...

بسم الله الرحمن الرحيم

اللهم صل على محمد وآله الطيبين الطاهرين



صار لي شهراً كامل تقريباً ومدونتي على حالها بدون موضوع ...

في بالي وايد أفكار، وايد كلام ، بس كل ما أبي أكتب أتذكر هموم الدراسة والشغل فأتراجع عن الكتابة ...

آه آه ، الدراسة هم ، لا والله الدراسة مو هم ، الهم إهو شغل البروجكتات Projects والأسايمنتات Assignments ...

على الأقل الدراسة تحفظ ، تقرأ الكتاب ، تبرشم ، بس البروجكت يبيله فكرة ولازم الدكتور يوافق بعدين يبيله تطبيق ولازم تكتبه ب 20 صفحة وتسلمه للدكتور ... شنو أنا بقدم رسالة دكتوراه ...

بس أنا أستاهل الشباب وكل ربعي قالولي تعال معانا محاسبة كله قيود ، وجم فلوس الشركة وجم مطلوبة ، وجم بايق المدير وتخلص وتتخرج بس أنا عاندت وقلت أبي أدش نظم معلومات MIS على بو إني أحب الكمبيوتر ...

طاح الفاس بالراس ودشينا نظم معلومات وأنا ألحين ولي باجر راح أعيش في دوامة الكمبيوتر والبروجكتات لين أتخرج بإذن الله الواحد الأحد ...



نصيحة : كل اللي يدخل كلية العلوم الإدارية بجامعة اللكويت إدخل أي تخصص بالكلية ما عدا تخصص نظم المعلومات الإدراية وإلا لا تلوم إلا نفسك